Пешгирии ҳолатҳои сӯхтор дар Восеъ

  Восеъ, 17.12.2014. (АМИТ «Ховар», Сулаймони Хол).- Масъулини  қисми  мустақили 41-уми ҳарбикунонидашудаи  Хадамоти давлатии оташнишонии  ноҳияи Восеъ  дар давоми 11 моҳи соли ҷорӣ корҳои назаррасро анҷом доданд. Ба қавли  сардори  хадамот Ҳоким Назаров  дар ин муддат дар ноҳия 20  ҳодисаи сӯхтор ба қайд гирифта шуд, ки зарари он 58 ҳазору 250  сомониро   ташкил медиҳад. Кормандони қисм ҳолати бехатарии зиддисӯхтории 714 иншоотро  пурра ва 380  иншоотро такрорӣ  санҷида, фаъолияти 433 нуқтаи барқӣ  ва 463  печро, ки хавфи сар задани сӯхторро дошт, мувақатан манъ  намуданд. Дар ин муддат  дар ноҳия 52  санҷиши муштарак  гузаронида шуда, нисбат ба 469  нафар  вайронкунандаи  қоидаҳои бехатарии зиддисӯхторӣ санади маъмурӣ  тартиб дода шуд ва онҳо  47 ҳазору 250   сомонӣ  ҷарима шуданд.