Пешгирии интиқоли маводи пиротехникӣ

Душанбе, 10.12.2014. (АМИТ «Ховар», Зарангези Латиф).- Дар натиҷаи гузаронидани чораҳои махсуси фаврӣ-ҷустуҷӯйӣ аз тарафи кормандони Раёсати минтақавии гумрукии вилояти Суғд се далели фурӯши ғайриқонунии маводи пиротехникӣ ошкор шуд. 
Аз ҷумла аз Ҳотамҷон Зокирови 20- сола, истиқоматкунандаи шаҳри Хуҷанд миқдори 22 000 адад маводи пиротехникӣ, аз Додо Солиеви 52- сола, истиқоматкунандаи ноҳияи Конибодом дар се қуттӣ ба миқдори 1500 (ҳазору панҷсад) адад маводи тарфгарии навъи хлопушка ва аз Муҳаммад Соҳибови 52-сола, истиқоматкунандаи ноҳияи Конибодом ба миқдори се қуттӣ, ки 1500 дона маводи тарфгарӣ дошт,мусодира  шуд.
Дар ин бора аз Хадамоти гумруки назди Ҳукумати Ҷумҳурии Тоҷикистон иттилоъ доданд.