Пешгирии садамаҳои нақлиётӣ дар Фархор

Фархор, 27.12.2014. (АМИТ «Ховар», Сулаймони Хол).-Ба қавли  сардори БДА-и ноҳияи Фархор,  майори милитсия  Шуҳратҷон Нуралиев  дар давоми  11 моҳи соли ҷорӣ дар ноҳия  11 ҳодисаи нохуши садамавӣ рух додааст, ки дар натиҷа  3 нафар ба ҳалокат расида,  11 нафари дигар ҷароҳати ҷисмонӣ  бардошт, ки ин нисбат ба ҳамин давраи соли гузашта 1 ҳодиса кам аст. 
Ба гуфтаи манбаъ  дар ин давра 5 ҳазору 606 қонунвайронкунӣ   ошкор  гардид, ки  ба онҳо ҳаракат брондани мошин бе ҳуҷҷати ронандагӣ, сиёҳ кардани шиша,  идора дар ҳолати мастӣ ва дигар қонунвайронкуниҳо шомил мебошанд.