Рӯнамоии китоби Худоназар Асозода

Душанбе, 23.12.2014. (АМИТ «Ховар», Зарангези Латиф).- Имрӯз дар Китобхонаи миллии Тоҷикистон бо ибтикори Вазорати маориф ва илми Ҷумҳурии Тоҷикистон, Донишгоҳи миллии Тоҷикистон ва Китобхонаи миллии Тоҷикистон рӯнамоии китоби устоди зиндаёд, профессор Худоназар Асозода бо номи “Таърихи адабиёти тоҷик” баргузор гардид.  Дар маҳфил директори Китобхонаи милии Тоҷикистон Сайфиддин Назарзода меҳмононро хайрамақдам гуфта, Раҳматулло Мирбобоев муовини  вазири маориф ва илми Ҷумҳурии Тоҷикистон, Абдуҳамид Самадов муовини Иттифоқи нависандагони Тоҷикистон, ректори Донишгоҳи омӯзгории Тоҷикистон ба номи С. Айнӣ Носирҷон Салимов  ва ҳамкасбону дӯстон оид ба ҳаёту эҷодиёти Худойназар Асозода ва роҷеъ ба китоби мазкур андешаҳояшонро иброз намуданд. Китоби “Таърихи адабиёти тоҷик” 113 соли фарҳангиву илмии адабиёти миллати тоҷикро дар бар гирифта, аз панҷ фаслу 672 саҳифа иборат мебошад.
Гуфта мешавад, ки китоби мазкур бо дастгирии Вазорати маориф ва илми Ҷумҳурии Тоҷикистон ба табъ расидааст.