Раиси Парламенти Афғонистон ба Душанбе омад
Душанбе, 4.12.2014.(АМИТ «Ховар», Марзия Саидзода).-Шоми 3 декабр Абдул Рауф Иброҳимӣ-раиси Вулуси ҷиргаи Шӯрои миллии Ҷумҳурии Исломии Афғонистон бо як ҳайати баландпояи парлумонӣ ба Тоҷикистон омад. Дар фурудгоҳи байналмилалии Душанбе раиси Парлумони Афғонистонро муовини авали раиси Маҷлиси намояндагони Маҷлиси Олии Ҷумҳурии Тоҷикистон Амиршо Миралиев истиқбол намуд. Хадафи сафари Абдул Рауф Иброҳимӣ ба Душанбе тақвияти ҳамкориҳои парлумонии ду кишвари дӯсту бародар ва ҳамҷавор -Тоҷикистону Афғонистон арзёбӣ мегардад. Интизор меравад, ки раиси палатаи поёнии Парлумони Афғонистон дар ҷараёни сафари расмиаш ба Тоҷикистон бо Президенти Ҷумҳурии Тоҷикистон Эмомалӣ Раҳмон, раиси Маҷлиси намояндагон Шукурҷон Зуҳуров, инчунин вазирони адлия Рустам Шоҳмурод ва вазири корҳои дохилии Ҷумҳурии Тоҷикистон Рамазон Раҳимзода мулоқот намуда, тавсеаи равобити мутақобилан судманди Душанбею Кобулро дар заминаҳои мухталиф баррасӣ хоҳад кард. Абдул Рауф Иброҳимӣ ҳамчун рамзи эҳтиром ба таъриху тамаддуни миллати тоҷик дар пояи муҷассамаи шоҳ Исмоили Сомонӣ-нахустин асосгузори давлати тоҷикон гулчанбар мегузорад. Ҳамзамон ҳайати Вулуси ҷиргаи Шӯрои миллии Афғонистон дар доираи сафар аз Осорхонаи миллии Тоҷикистон, Кохи «Наврӯз», Маркази маъмурӣ ва тиҷоратии «Пойтахт-90», инчунин аз Неругоҳи барқи обии «Норак», китобхонаи шаҳри Норак боздид хоҳад кард. Бояд тазаккур дод, ки Қонуни асосии Афғонистон -Конститутсия, ки соли 2003 дар Луи ҷирга қабул гардидааст, ташкили Парламент ё худ Шӯрои миллиро пешбинӣ намуда буд. Шӯрои миллии Афғонистон аз ду палата -Вулуси ҷирга ё Шӯрои намояндагон ва Сенат иборат аст. Дар Вулуси ҷирга вакилон тавассути баргузории интихобот дар 34 музофоти Афғонистон аз ҷониби мардум интихоб мегарданд. Вулуси ҷирга аз 249 вакил иборат буда, тибқи Конститутсияи Афғонистон дар 68 курсии он занон мешинанд, ки аз ҳар як музофот ду нафарӣ зан рост меояд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






