Роҳи васеъ ба рушди ҳунарҳои мардумӣ
Рӯдакӣ, 25.12.2014. (АМИТ “Ховар” Ҳотами Шариф).- Тибқи иттилои мудири бахши кор бо занон ва оилаи назди мақомоти иҷроияи мақомоти давлатии наҳияи Рӯдакӣ Фирӯза Камолова дар ҷамоати Русияи ноҳия 40 нафар занону духтарон ба қолинбофӣ шурӯъ карданд. Онҳо баъди омӯзиши курси махсуси қолинбофӣ, ки аз ҷониби шуъбаи Агентии давлатии ҳифзи ичтимоӣ, шуғлӣ аҳоли ва муҳоҷират таъсис ёфта буд, соҳиби ин ихтисос гардиданд.
Дар 15 ҷамоати дигари ноҳия низ барои рушди ҳунарҳои мардуми тадбирҳои мушаххас андешида шудааст, аз ҷумла дар ҷамоати Лоҳур коргоҳи рағзабофӣ ба фаъолият шурӯъ намуд.