Рушди ҳамкориҳои ДМИТ бо ХБА
Душанбе, 11.12.2014. (АМИТ «Ховар», Раъно Нусратуллозода).-Дирӯз намояндаи доимии Хазинаи байналмилалии асъор (ХБА) дар Тоҷикистон Айдин Биболов дар ҳузури устодону донишҷӯёни Донишкадаи молия ва иқтисоди Тоҷикистон (ДМИТ) дар мавзӯи «Дурнамои рушди иқтисодиёти минтақавии Осиёи Марказӣ ва Тоҷикистон» сухан кард.
Ба иттилои сухангӯи донишкадаи мазкур Машҳура Абдуллоева дар вохӯрӣ муовини ректор оид ба робитаҳои байналмилалӣ Баҳром Сафаров иброз дошт, ки ДМИТ бо ХБА дар ҳамкории зич қарор дорад ва ин вохӯрии дувуми намояндагони ин ташкилоти бонуфуз бо устодону донишҷӯён аст. Айдин Билолов оид ба дурнамои рушди иқтисодиёти минтақавии Осиёи Марказӣ ва Тоҷикистон, ҳолати муносибатҳои иқтисодии байналмилалӣ, вазъи иқтисодии мамлакатҳои содироткунанда ва воридоткунанда, паст шудани қурби рубли русӣ ва таъсири он ба мамлакатҳои шарики рушд, аз ҷумла Тоҷикистонро ба таври мушаххас мавриди таҳлил ва баррасӣ қарор дод.
Дар охир доир ба масоили баррасишуда дар байни иштирокчиён табодули афкор сурат гирифт.
Ёдовар мешавем, ки ба ХБА 188 давлат аъзо аст ва дар Тоҷикистон аз соли 1995 инҷониб намояндагии доимии ХБА амал мекунад. Фаъолияти асосии ХБА аз мушоҳида (мониторинг ва баҳогузории сиёсати иқтисодӣ ва молиявии кишварҳои аъзо), ёрии техникӣ ва молиявӣ иборат аст.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






