Рўзи байналмилалии ҳуқуқи инсон дар соли 2014

Душанбе, 10.12.2014.(АМИТ “Ховар” Рафоати Абдулҳамид).- Имрӯз дар Китобхонаи миллии Тоҷикистон бахшида ба «Рўзи байналмилалии ҳуқуқи инсон дар соли 2014» мизи мудаввар баргузор гардид, ки мавзўи он «Мубориза бар зидди шиканҷа дар ҷомеа» буд.  Ҳамоиши мазкур бо ташаббуси Ваколатдор оид ба ҳуқуқи инсон дар Тоҷикистон буда, дар он намояндагони мақомоти ҳифзи ҳуқуқи кишвар, созмонҳои бонуфузи байналмилалӣ ва дигар ташкилоту идораҳои дахлдор иштирок намуда, перомуни мувафақиятҳо дар соли 2014 мубодилаи афкор намуданд. 
Таъкид шуд, ки  дар як соли фаъолият Ваколатдор оид ба ҳуқуқи инсон дар ҳамкорӣ бо дигар ниҳодҳои давлатӣ чандин конфронсу семинарҳо гузаронида, бештар аз 34 маротиба барои санҷиш ба маҳаллаҳои гуногун рафтааст. 
Ҳамчунин роҳбари ин ниҳоди давлатӣ Зариф Ализода зикр намуд, ки ҳарчанд солҳои охир чандин қонуну санадҳои зиддишиканҷавӣ ба тасвиб расиданд, аммо то ҳол дар ин маврид қонуншиканӣ дида мешавад.