Сафари кории вазири корҳои дохилӣ ба Бадахшон

Душанбе, 01.12.2014. (АМИТ «Ховар», Муқаддас Темурзода).-Субҳи имрӯз вазири корҳои дохилӣ Раҳимзода Рамазон Ҳамро бо мақсади шиносоӣ бо шароити хизмат ва фаъолияти кории ҳайати шахсӣ, инчунин омодагии ҷузъу томҳои мақомоти корҳои дохилӣ ба фасли зимистон ба шаҳру ноҳияҳои Вилояти Мухтори Кӯҳистони Бадахшон  сафар намуд.
Бояд таъкид намуд, ки ҳамасола ҷиҳати омодагии ҳайати шахсӣ ба фасли зимистон ва тайёрии онҳо ба номусоидии обу ҳаво, пешгирии ҳодисаҳои сӯхтор, садамаҳои нақлиётӣ дар роҳҳои кӯҳсор аз ҷониби роҳбарияти Вазорати корҳои дохилӣ тадбирҳои судманд андешида мешаванд.