Сафари паҳлавонони тоҷик ба Кипр

Душанбе, 3.12.2014. (АМИТ «Ховар», Ситораи Боймурод).- Аз 4-ум то 9-уми декабр варзишгарони тоҷик дар ду мусобиқаи қаҳрамонӣ дар шаҳри Лимассоли Кипр ширкат меварзанд. Гуфта мешавад, ки мусобиқаи қаҳрамонии самбои ҷаҳон байни ду гурӯҳ: донишҷӯён ва наврасони солҳои таваллудашон 1998-2000 доир мегардад.Тавре ки дар ин бора Кумитаи миллии олимпии кишвар хабар додааст, ба ҳайати варзишии Тоҷикистон 13 нафар — 10 варзишгар, 2 мураббӣ ва як довар дохил аст. Дар сабқати ҷаҳонии донишҷӯён Тоҷикистонро Ардашер Исмоилов (вазни 52 кг), Суруш Каримов (74 кг), Рашид Зиёбеков (82 кг) ва Хуршед Маҷидов (100 кг) намояндагӣ мекунанд. Дар сабқати ҷаҳонӣ байни наврасон шарафи Тоҷикистонро Каюмарс Норов (51 кг), Ҷамолиддин Абдуллоев (55 кг), Муҳаммадшо Беков (59 кг), Илҳом Ҳофиззода (72 кг), Муҳаммадризо Қурбонов (84 кг) ва Хуршед Маҷидов (+84 кг), инчунин миёни духтарон Шоҳида Қаландарова (55 кг) ҳимоя мекунанд.