Шариф Ҳусейнов — сармуҳаррири «Паёми Душанбе»

Декабрь 31, 2014 11:43

Душанбе, 31.12.2014. (АМИТ «Ховар», Кристина Эрлих).- 30 декабр Раиси шаҳри Душанбе Маҳмадсаид Убайдуллоев дар ҷараёни машварати корӣ, ки дар он масоили марбут ба ҷойгузории кадрҳо дар маъмурияти раёсати шаҳр мавриди баррасӣ шуданд, тасмим гирифт, ки Шариф Ҳусейнов сармуҳаррири рӯзномаи шаҳрии «Паёми Душанбе» таъйин карда шавад.Тавре ки котиби матбуоти раиси пойтахт Шавкат Саидов ба АМИТ «Ховар» хабар дод, аз ин пеш вазифаи сармуҳаррири рӯзномаи «Паёми Душанбе» — ро Мухбирҷон Кенҷаев ба ӯҳда дошт, ки мавсуф ба кори дигар гузаронида шудааст.Қобили зикр аст, ки рӯзномаи «Паёми Душанбе» аз 1 январи соли 1990 рӯи чоп омада, дар саҳифаҳояш на фақат фаъолияти маъмурият ва сохторҳои пойтахт, балки тамоми ҳаёти иҷтимоию иқтисодӣ ва фарҳангии шаҳри Душанберо инъикос менамояд. Дар саҳифаҳои рӯзнома хамаи масоили мубрами шаҳр ва фаъолияти сохторҳои пойтахт ва ашхоси алоҳидае, ки ба рушди шаҳри Душанбе саҳм мегузоранд, холисона инъикос меёбанд. Соли 2002 журналисти боистеъдод ва ходими намоёни журналистикаи тоҷик Мухбирҷон Кенҷаев роҳбарии гурӯҳи эҷодии рӯзномаро ба ӯҳда гирифт. Дар ин рӯзнома журналистони касбӣ аз қабили Мирзопӯлоди Тошбек, Абдуғаффори Шаҳзод, Ҷамоли Абдулҳай, Шаҳлои Абдуалим, Бахтиёри Воҳидпур ва дигарон солҳои зиёде фаъолият доранд.Ёдовар мешавем, ки рӯзномаи «Паёми Душанбе» ҳар ҳафта ду маротиба ба забони тоҷикӣ ва русӣ чоп мешавад.

Декабрь 31, 2014 11:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд