Шароити мусоид барои фаъолияти ташкилотҳои бонкии исломӣ

    Душанбе, 19.12.2014. (АМИТ «Ховар», Покизаи Шодмон). — Баъд аз қабули Қонуни Ҷумҳурии Тоҷикистон “Дар бораи фаъолияти бонкии исломӣ” таҳияи лоиҳаҳои санадҳои меъёрии ҳуқуқӣ, ки барои татбиқ намудани муқаррароти қонуни мазкур зарур мебошанд, шурӯъ шуданд. 
     Аз рӯи иттилои хадамоти матбуотии БМТ дар назар аст, ки лоиҳаҳои санадҳои меъёрии ҳуқуқии номбурда дар асоси рукнҳо ва таҷрибаи пешқадами мамлакатҳои олам, аз қабили Иттиҳоди Аврупо, ИМА, Чин, Русия, Озарбойҷон, Қирғизистон ва Қазоқистон таҳия мешаванд ва дар нимсолаи аввали соли оянда мавриди татбиқ қарор мегиранд.