Шикасти амалиёти нашъаҷаллобон

Декабрь 1, 2014 09:40

Душанбе, 1.12.2014. (АМИТ «Ховар», Зарангези Латиф).-Бо назардошти хавфу хатарҳои марговари маводи нашъадор кормандони Хадамоти гумруки назди Ҳукумати ҶТ муборизаро алайҳи он пурзӯр намуда, пайваста амалиёти махсуси фавриву ҷустуҷӯӣ доир менамоянд.
Кормандони фаврии Раёсати минтақавии гумрукӣ дар шаҳри Турсунзода як гурӯҳи ҷиноятпешаро дастгир намуданд, ки ба нигоҳдошт, интиқол ва фурӯши ғайриқонунии маводи нашъадор машғул буд.
Бо гирифтани маълумоти фаврӣ гумрукчиёни шаҳри Турсунзода муайян менамоянд, ки сокини шаҳри Истаравшани вилояти Суғд Шавқат Муқимов, сокини шаҳри Чкаловск, Амирхон Исломов, сокинони ноҳяи Бохтари вилояти Хатлон, Имомалӣ Гиёев ва Зафар Сабуров бо маслиҳати пешакӣ, мехостанд миқдори зиёди маводҳои нашъадорро ба фурӯш бароранд.
Ҳамин тариқ, 13 ноябри соли равон амалиёти ин гурӯҳи ҷинояткор дар роҳи мошингарди ноҳияи Бобоҷон Ғафурови вилояти Суғд барҳам зада шуда, аз онҳо 14 килограмму 940 грамм маводи навъи афюн мусодира  шуд.
Дар давоми амалиёти фаврӣ 15-уми ноябр 4 килову 80 грамм афюн, ки бар ивази 2000 доллар фурӯхта мешуд ва 19-уми ноябр 9 килову 130 грамм маводи афюн мусодира ва ҳар чор нафар боздошт гардид.
Нишондоди дастгиршудаҳо муайян кард, ки роҳбари ин гурӯҳи ҷиноӣ шаҳрванд Гиёев Имомалии 42- сола, доғи судӣ дорад ва пеш бо моддаҳои 201 ва 200 Кодекси Ҷиноии ҶТ аз озодӣ маҳрум гаштааст, мебошад.
Бо зиракӣ ва кордонии кормандони Хадамоти гумрук боз як амалиёти нашъаҷаллобӣ пешгирӣ ва аз онҳо зиёда аз 28 кило маводи нашъадор мусодира  шуд. Бо бурдани тафтишот ва барқарории адолати судӣ ин чор нафар шахси ҷиноятпеша ҷазои сазовор хоҳад гирифт.
 
 

Декабрь 1, 2014 09:40

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд