Сокини 21- сола бо героин дастгир шуд
Душанбе, 25.12.2014 (АМИТ «Ховар», Лайло Тоирӣ).- Дар натиҷаи гузаронидани амалиёти думарҳила кормандони Раёсати Агентии назорати маводи нашъаовари назди Президенти ҶТ дар вилояти Суғд дар ҳамкорӣ бо Хадамоти давлатии назорати маводи нашъаовари назди Ҳукумати Ҷумҳурии Қирғизистон дар ҳудуди ноҳияи Ҷаббор Расулов сокини 21-солаи маҳаллиро дастгир намуданд. Аз дастгиршуда як адад бастаи полиэтиленӣ бо маводи хокамонанди бӯи махсус дошта мусодира гардид.
Тавре ки аз хадамоти матбуоти агентӣ хабар доданд, тафтишоти пешакӣ нишон дод, ки дастгиршуда нияти маводи нашъаовари героинро дар ҳудуди вилоят фурӯхтан дошт.
Аз рӯи ҳодисаи мазкур аз тарафи шуъбаи тафтишоти Раёсати агентӣ бо моддаи 200 қ.3 КҶ ҶТ (“Муомилоти ғайриқонунии воситаҳои нашъадор ё моддаҳои психотропӣ бо мақсади ба соҳибияти каси дигар додан ба миқдори калон”) парвандаи ҷиноӣ оғоз гардид.
Боздоштшуда ба тавқифгоҳи нигоҳдории муваққатии Раёсати агентӣ ворид шуд.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
