Соли Нав муборак, ҳамдиёрони азиз!

Душанбе,  30.12.2014. (АМИТ «Ховар»,  Кристина  Эрлих).-  1  январ  Соли  Нави  2015 — соли  Гӯсфанд  фаро мерасад. Мувофиқи  Конуни  Ҷумҳурии  Тоҷикистон «Дар  бораи  рӯзҳои ид» 1 январ  рӯзи  ид  ба шумор  меравад. Тавре  ки  аз  Федератсияи  иттифоқҳои  касабаи  мустақили  Тоҷикистон  ба  АМИТ «Ховар»  хабар  доданд,  азбаски  дар  ҷумҳурӣ 1  январ ба  рӯзи  кории  ҳафта,  яъне  панҷшанбе   рост  меояд,  мардуми  Тоҷикистон  1  рӯз  истироҳат  мекунанд.
2  январи  соли 2015  рӯзи  корӣ аст. 
Дар  арафаи Соли  Нав,  хусусан  дар  кӯдакистону мактабҳо  чорабиниҳои  мухталифи  идона рӯи  кор оварда  мешаванд. Дар майдони  асосии  Тоҷикистон  — «Дӯстӣ» арчаи  22 метраи солинавӣ  гузошта шудааст. 31  декабр  дар  ин  майдон  аз  соати  19 — 00 то 21 — 00 консерти  бошукӯҳи  ситораҳои  эстрадаи  тоҷик  баргузор гардида,  дар  анҷоми он  муддати  5  дақиқа мушакпарронӣ  мешавад.