Сотсиал -демократҳо 22 номзад пешбарӣ кардаанд

 Душанбе, 29.12.2014.(АМИТ «Ховар», Марзия Саидзода).- Ҳизби сотсиал-демократии Тоҷикистон /ҲСДТ/ дар анҷумани 14-уми пеш аз интихоботии худ, ки 27 декабр дар қароргоҳи ин ҳизб дар Душанбе  баргузор гардид, 22 нафарро ҳамчун номзад ба вакили Маҷлиси намояндагон аз ҳавзаи ягонаи умумиҷумҳуриявӣ ба интихоботи парлумонии соли 2015 пешбарӣ кард. 
         Амният Абдулназаров, Раҳматилло Зоиров, Файзиниссо Воҳидова Бузурмеҳр Ёров, Шӯҳрат Қудратов, Улфатхонум Маҳмадшоева, Ҳоҷимуҳаммад Умаров, Мирҳусейн Назриев дар рӯйхати номзадҳои ҳизби сотсиал- демократии Тоҷикистон қарор доранд.
           Мавриди зикр аст, ки 1 марти соли 2015 дар Ҷумҳурии Тоҷикистон  
интихоботи навбатии парлумонӣ доир мегардад, ки Комиссияи марказии  интихобот ва райъпурсии Ҷумҳурии Тоҷикистон ниҳоди масъул ва салоҳиятдор вобаста ба баргузории ин чорабинии муҳими сиёсӣ дар кишвар маҳсуб мешавад.