Сотсиалистҳо ҳам номзадҳояшонро пешбарӣ карданд

Душанбе, 15.12.2014.(АМИТ «Ховар», Марзия Саидзода).- Дар Душанбе таҳти раёсати раиси Ҳизби сотсиалистии Тоҷикистон /ҲСТ/ Абдуҳалим Ғаффоров Анҷумани навбатии ҳизби мазкур баргузор гардид. Дар Анҷуман дар радифи масъалаҳои вобаста ба фаъолияти ҲСТ ва дурнамои он, инчунин ҳафт нафар аъзои ҲТС ҳамчун номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардиданд. Ба рӯйхати номзадҳои ба вакили палатаи поёнии Парлумони мамлакат пешбарӣ гардида Абдуҳалим Ғаффоров, Ниёз Ҷумаев, Зариф Наимов, Мавҷуда Раҷабова, Изатулло Ғаниев, Маъруфхӯҷа Юсуфов ва Фаррух Боқиев шомил мебошанд.  Бояд тазаккур дод, ки алҳол дар саҳнаи сиёсии Тоҷикистон 8 ҳизби сиёсӣ фаъолият дошта, аз он 5 -тоаш дар Парлумони мамлакат намоянда дорад. Инҳо Ҳизби Халқӣ- Демократии Тоҷикистон /ҲХДТ/, Ҳизби ислоҳоти иқтисодии Тоҷикистон /ҲИИТ/, Ҳизби коммунисти Тоҷикистон /ҲКТ/, Ҳизби аграрии Тоҷикистон /ҲАТ/ ва Ҳизби наҳзати исломии Тоҷикистон /ҲНИТ/ мебошанд.