Суғд: боздошти ду милитсионери “қалбакӣ”
Хуҷанд, 4.12.2014. (АМИТ “Ховар”,Абдуаҳад Шарифзода).-Дар вилояти Суғд зимни бурдани корҳои фаврӣ-ҷустуҷӯӣ аз тарафи кормандони ҳифзи ҳуқуқ ду тан милитсионери “қалбакӣ” дастгир шуд.
Тавре ки ба АМИТ “Ховар” корманди РВКД ҶТ дар Суғд М.Юсупов хабар дод, 1-уми декабри соли ҷорӣ ба шуъбаи ВКД дар ноҳияи Б. Ғафуров аз номи ду тан истиқоматкунандаи маркази вилоят, ноболиғон, хонандагони яке аз мактабҳои шаҳри Хуҷанд Т.Ш ва С.А. ариза ворид гардид. Мувофиқ ба маълумоти ин ду ноболиғ 28-уми ноябри соли ҷорӣ онҳоро, ки дар даст маводи тарфгарӣ (хлопушка) доштанд, дар ҳудуди ҷамоати Хистеварзи ноҳияи Б. Ғафуров шахсони номаълум бо мошини тамғаи “Даймлер-бенс” омада, худро кормандони мақомоти ҳифзи ҳуқуқ муаррифӣ намуда, боздошт карданд.
Баъдан шиносномаи ноболиғ С. А-ро кашида гирифта, бо баҳонаи аз ҷавобгарии ҷиноятӣ озод намудан, аз онон 200 доллари ИМА-ро гирифтаанд.
Дар натиҷаи гузаронидани чораҳои фаврӣ-ҷустуҷӯӣ аз тарафи кормандони милитсияи ноҳия ду нафар истиқоматкунандаи ноҳияи Б.Ғафуров, шаҳрвандон Ҷаҳонгир Ваҳҳобови 24- сола, корманди оддии неругоҳи барқи обии “Дӯстии халқҳо”-и шаҳри Қайроққум ва Муҳаммад Латипови 25-сола, корманди ширкати мобилии “Beeline” боздошт шуда, аз онҳо далели шайъӣ гирифта шуд.
Нисбат ба дастгиршудагон бо моддаи 247 қисми 2-и Кодекси ҷиноии ҶТ парвандаи ҷиноӣ оғоз шудааст.
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
