Суғд: таҷҳизот ба маблағи умумии 118,1 миллион
Душанбе, 30.12.2014. (АМИТ “Ховар,” Рафоати Абдулҳамид).- Дар 11 моҳи соли равон дар миқёси вилоят 32,8 миллион дона хишти сохтмонӣ, 1,5 миллион метри мураббаъ қолин ва маснуоти қолинӣ, 611,1 ҳазор тонна ангиштсанг, 299,5 ҳазор метр қубурҳои полиэтиленӣ, 66,4 ҳазор тонна орд, 54,1 ҳазор тонна семент ва дигар маҳсулот истеҳсол шуд.
Тавре ки Хадамоти матбуоти раиси вилояти Суғд иттилоъ дод, дар натиҷаи амалӣ намудани тадбирҳои мушаххас ҳаҷми истеҳсоли маҳсулот дар маҷмӯъ ба маблағи 3,4 миллиард сомонӣ расонида шуд, ки нисбат ба ҳамин давраи соли гузашта 787,6 миллион сомонӣ афзудааст.
Тибқи маълумоти расмӣ дар давоми ду соли охир ба вилоят ба маблағи умумии 118,1 миллион доллар (қариб 650 миллион сомонӣ) таҷҳизоту технологияи гуногун ворид шудааст.