Тақдими мақоми ифтихорӣ ба Бароат Ҳоҷибоева
Душанбе, 24.12.2014. (АМИТ «Ховар», Зарангези Латиф).- Аз ҷониби Донишгоҳи байналхалқии славянии ба номи Г. Р. Державин ба устоди Донишгоҳи давлатии Хуҷанд Бароат Ҳоҷибоева унвони «Профессори ифтихорӣ»-и донишгоҳи мазкур дода шуд.
Дар дипломи «Профессори ифтихорӣ» зикр гардидааст, ки ин қадршиносӣ ба хотири рушди робитаҳои адабӣ ва тарғиби фарҳангу адабиёти русӣ тақдим гардидааст. Ин унвони баланд дар яке аз ҷаласаҳои Шӯрои олимони Донишгоҳи байналхалқии славянии ба номи Г. Р. Державин муаррифӣ гардида, зери он ректори Донишгоҳи номбурда К. Смирнов имзо гузоштааст.
Гуфта мешавад, ки Бароат Ҳоҷибоева муаллифи китобҳои зиёд ва беш аз 150 асари илмӣ-методӣ оид ба масъалаҳои робитаҳои адабии русу тоҷик мебошад. Аз ҷумла асарҳои ӯ «Пушкин ва Шарқ», «Кишвари нилгуни Фирдавсӣ», (ҳар ду китоб бо ҳаммуаллифии профессор Матлуба Ҳоҷаева), «Тоҷикистон дар асарҳои Борис Пилняк», «Иван Бужин ва адабиёти Шарқ», «Абдураҳим Ҳоҷибоев: Саҳифаҳои умри кӯтоҳ» ва ғайраҳо мебошанд.
Дар ҷаласаи ғайринавбатии Шӯрои олимони Донишгоҳи давлатии Хуҷанд ба номи академик Бобоҷон Ғафуров ин муждаи нек иттилоъ дода шуд.
Дар ин бора ба мо аз Маркази иттилоот ва таҳлили Раёсати донишгоҳ иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






