Таъиноти кадрӣ дар ВКД ҶТ

Душанбе, 22.12.2014. (АМИТ «Ховар», Муқаддас Темурзода).- 20 декабри соли ҷорӣ аз ҷониби Президенти Ҷумҳурии Тоҷикистон Эмомалӣ Раҳмон ба вазифаҳои  роҳбарикунандаи Вазорати корҳои дохилӣ полковник Муҳаммадзода Хуршед Изатулло — фармондеҳи Раёсати қӯшунҳои дохилии Вазорати корҳои дохилӣ ва  полковники хизмати дохилӣ Мамадов Нозим Иброҳимович — сардори Сарраёсати Хадамоти давлатии оташнишонии Вазорати корҳои дохилии Ҷумҳурии Тоҷикистон таъйин гардиданд.
Назар ба иттилои ВКД ҶТ Сарвари давлат Эмомалӣ Раҳмон зимни суҳбат кадрҳои ба вазифаҳои нав таъйиншударо ба хизмати софдилонаю содиқона ба халқу Ватан, давлати соҳибистиқлоли Тоҷикистон ва муомилаю муоширати сазовор бо мардуми ҷумҳурӣ ҳидоят намуд.
Сипас вазири корҳои дохилӣ Раҳимзода Рамазон Ҳамро шахсони ба вазифаҳои роҳбарикунандаи Вазорати корҳои дохилӣ нав таъйиншударо ба сардорони раёсатҳои мақомоти корҳои дохилӣ муаррифӣ намуда, зикр кард, ки онҳо мутахассиси соҳаи худ буда, тӯли фаъолияти хизматии хеш худро ҳамчун корманди касбӣ нишон додаанд.