Таркиши мудҳиш дар Нигерия

Декабрь 23, 2014 15:52

 
 Душанбе,23.12.2014. (АМИТ «Ховар».-Иброҳими Ҳабибуллоҳ).-Шаби гузашта дар штати Гомбеи қисми шимолу шарқии Нигерия таркиши мудҳиш ба амал омад. Дар ҷои ҳодиса  20 нафар ба ҳалокат расида,  чанд каси дигар захми гуногуни ҷисмонӣ бардошт. То кунун ягон гурӯҳ ё шахс худро дар анҷом додани ин амали террористӣ масъул эълон накардааст. Мувофиқи иттилои  Созмони Милали Муттаҳид дар Нигерия шурӯъ аз соли 2009- ум то инҷониб  зимни  амалҳои террористӣ 10 ҳазор нафар қурбон шуда, 650 ҳазор нафари  дигар манзили зисти худро тарк гуфтааст. 
     Душанбе,23.12.2014. (АМИТ «Ховар»).-Дар  бандаршаҳри Мурорани наздисоҳилии ҷазираи Хоккайдои Япония  киштии боркашонии «Тиэ-мару» ба фалокат дучор омад. Гуфта мешавад, ки дар дохили киштии боркашонӣ  тақрибан 6 ҳазор тонна маводи сӯзишворӣ нигоҳ дошта мешуд. Ба гуфти роҳбари кормандони Хадамоти наҷотдиҳӣ аз номусоидии вазъи ҳаво ва боришоти зиёди барф сарнишини киштӣ имконияти пеши роҳро дидан надошта, ба фалокат дучор омадааст. 
   Душанбе,23.12.2014. (АМИТ «Ховар»).-Дар амалиёти густурда низомиёни покистонӣ, ки чанд моҳ боз дар минтақаҳои гуногуни кишвар ҷараён дорад, махфигоҳҳои зеризаминӣ ва анборхонаҳоеро, ки дар онҳо муҳимоти тарканда сохта мешуд, дарёфт ва мусодира намуданд. Қобили зикр аст, ки дар зарфи як сол  наздики 50 ҳазор сокини осоиштаи кишвар дар ин гирудорҳои мусаллаҳона ҷон бохтааст. 
    Душанбе,23.12.2014. (АМИТ «Ховар»).-Мувофиқи иттилои шабакаи интернетии Би-Би-Си субҳи имрӯз дар шаҳри Фаллуҷаи Ироқ  миёни хидматчиёни низомии кишвар ва ҷангиёни гурӯҳи ифротгарои «Давлати исломӣ» задухӯрди шадид ба вуқуъ омад. Дар вақти задухӯрд  13 нафар ба ҳалокат расид. Гуфта мешавад, ки шаҳри Фаллуҷаи Ироқ алҳол таҳти назорати гурӯҳи ифротгарои «Давлати исломӣ» қарор дорад. Қобили зикр аст, ки  дар байни фавтидагон занону кӯдакон низ ҳастанд. 
 
 

Декабрь 23, 2014 15:52

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд