Таъсиси Шӯрои волидайн дар Коллеҷи милитсияи ВКД
Душанбе, 19.12.2014.(АМИТ «Ховар», Муқаддас Темурзода).-18-уми декабри соли ҷорӣ дар Коллеҷи милитсияи Вазорати корҳои дохилии Ҷумҳурии Тоҷикистон вохӯрии курсантони коллеҷи мазкур бо падару модарон ва наздикон баргузор гардид.
ВКД ҶТ хабар медиҳад, ки Коллеҷи милитсияи Вазорати корҳои дохилӣ навтаъсис буда, тӯли се моҳ мешавад, ки фаъолият дорад. Дар коллеҷ зиёда аз 100 нафар таҳсил менамояд. Ба коллеҷи милитсияи ВКД аз ҳисоби ятимон, бепарасторон ва фарзандони кормандони ҳифзи ҳуқуқ, ки ҳангоми адои вазифа фавтидаанд, 46 нафар баъд аз гузаштани муоинаи тиббӣ, супоридани озмоиши тарбияи ҷисмонӣ ва гузаштан аз суҳбат дохил шуд.
Ба ташаббуси садорати Раёсати кадрҳо ва кор бо ҳайати шахсии ВКД ба Коллеҷи милитсия 800 адабиёти дарсӣ ва бо ибтикори Вазорати маориф ва илми ҷумҳурӣ 200 дастуру адабиёти таълимӣ супорида шуд.
Зикр шуд, ки барои вайрон намудани интизоми хизматӣ аз коллеҷ 2 нафар курсант хориҷ шуд. Аз ин рӯ, барои пешгирии ин ҳолатҳо хуб мешуд, ки аз ҳисоби волидон Шӯрои падару модарон таъсис дода шавад,