Таътили хонандагон аз кай шурӯъ мегардад?

Душанбе, 29.12.2014. (АМИТ «Ховар», Зарангези Латиф).- Бо мақсади ба низом даровардани таътил дар муассисаҳои таҳсилоти умумӣ ва таъмини беҳдошти саломатии хонандагон дар фасли тирамоҳу зимистон, шурӯъ аз соли 2010 фармоиши вазири маориф ба тасвиб расида буд, ки то ҳол хонандагон дар асоси он як моҳ ба таътил мебароянд. Бино ба иттилои Эҳсони Хушбахт, сухангӯи Вазорати маориф ва илми кишвар баҳри самаранок истифода бурдани вақти таътил аз ҷониби омӯзгорон ва хонандагон мутобиқи банди 49-и Низомномаи Вазорати маорифи Ҷумҳурии Тоҷикистон рӯзҳои таътили тирамоҳӣ ва баҳорӣ барҳам дода шуда, давомнокии таътили зимистона чун ҳамасола аз 1-уми январи соли 2015 то 31-уми январи соли 2015 муқаррар гардидааст.