ВКД ҶТ 50 ҷинояти донишҷӯёнро ба қайд гирифт
Душанбе, 10.12.2014. (АМИТ «Ховар», Муқаддас Темурзода).-Дирӯз дар Донишгоҳи аграрии Тоҷикистон вохӯрии кормандони мақомоти корҳои дохилӣ бо ҳайати устодон ва донишҷӯёни ин мактаби олӣ баргузор гардид.
Тибқи иттилои ВКД ҶТ, дар ҷараёни вохӯрӣ сардори Раёсати ҳифзи тартиботи ҷамъиятии Вазорати корҳои дохилӣ полковники милитсия Фотеҳ Қунғуротзода дар бораи вазъи ҷинояту ҷинояткорӣ дар байни ҷавонон, пешгирии ҳуқуқвайронкуниҳо ва мустаҳкам намудани ҳамкорию боварии донишҷӯёни макотиби олии кишвар ба мақомоти милитсия сухан гуфта, зикр кард, ки новобаста аз гузаронидани чорабиниҳои пешгирикунандаю фаҳмондадиҳӣ ҳолатҳои ҳуқуқвайронкунӣ дар байни донишҷӯён ҳанӯз ҳам ба назар мерасанд. Аз ибтидои соли ҷорӣ то ҳол аз ҷониби донишҷӯёни макотиби олии кишвар 50 ҷиноят ба қайд гирифта шудааст. Мутаассифона, ҳастанд баъзе донишҷӯёне, ки даст ба рафторҳои ношоиста, кирдорҳои авбошона, вайрон намудани тартиботи ҷамъиятӣ ва муноқишаҳои байниҳамдигарӣ мезананд. Зарур аст, ки баҳри пешгирии ҳуқуқвайронкунӣ аз ҷониби бархе ҷавонон, ки ба номи донишҷӯ доғ меоранд, дар якҷоягӣ мубориза бурда шавад.
Кӯшишу ғайрати мақомоти милитсия низ дар ҳамкорӣ бо ҳайати устодону донишҷӯёни мактабҳои олии кишвар баҳри пешгирии ҷинояту ҷинояткорӣ ва дигар амалҳои номатлуб дар байни донишҷуён равона шуда, дар ин самт мунтазам корҳои фаҳмондадиҳӣ ва суҳбату вохӯриҳо гузаронида мешаванд»,- афзуд Фотеҳ Қунғуротзода.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






