Вохӯрӣ барои дарёфти Шоҳҷоми Тоҷикистон оид ба футзал

Душанбе,  30.12.2014. (АМИТ «Ховар»).- Имрӯз,  30  декабр, дар  Маҷмааи  варзиши  Кумитаи  андози  Тоҷикистон  даври  дуюми  мусобиқот  барои  дарёфти  Шоҳҷоми  Тоҷикистон  оид  ба  футзал баргузор  гардида,  дар  он  дастаҳои «Бонки  миллӣ» ва  «Динамо» вомехӯранд. 
Тавре  ки  аз  Федератсияи  футболи  Тоҷикистон  хабар  доданд,  дар  арафаи  вохӯрии  ниҳоӣ  дар   дафтари Федератсия бо  иштироки  намояндагони дастаҳои «Бонки  миллӣ» ва  «Динамо» ва  шахсони расмие, ки   дар   роҳандозии  ин  вохӯрӣ  саҳм  доранд,  машварат  доир шуд. 
Доварии  вохӯрӣ барои  дарёфти  Шоҳҷомро  ҳакамҳои  пойтахт  Беҳрӯз  Муртазоев  ва  Хайриддин  Асалов ба  ӯҳда доранд.