Қатли хоҳар бо дасти бародар

Хуҷанд, 13.01.2015. (АМИТ Ховар, Абдуаҳад Шарифзода).-Дар вилояти Суғд ҳодисаи куштор  ба қайд гирифта шуд. 
Тавре ки ба АМИТ Ховар корманди РВКД ҶТ дар вилояти Суғд М.Юсупов иттилоъ дод, 11 январи соли ҷорӣ тахминан соати 16:00 дақиқа,  сокини шаҳри Чкаловск, шаҳраки Палос, муваққатан истиқоматкунандаи маҳаллаи 31-уми шаҳри Хуҷанд Мурод Юлдошев, с/т 1990, дар хонаи истиқоматиаш  дар пайи муноқишаи хонаводагӣ хоҳари 34- солаи худ Дилафрӯзро бо задани 11 зарби корд ба қатл расондааст. Дар робита ба ин ҳодиса нисбат ба айбдоршаванда бо моддаи 104-и КҶ ҶТ парвандаи ҷиноӣ оғоз шудааст.  
Бояд гуфт, ки дар моҳи равон ин чаҳорумин ҳодисаи куштор дар Суғд дар натиҷаи ҷанҷолу муноқишаҳои оилавӣ аст. Қабл  аз ин дар ҳудуди вилоят ду ҳодиса дар ноҳияи Исфара ва як ҳодиса дар ноҳияи Мастчоҳ ба қайд гирифта шуд. Дар соли сипаригашта дар умум дар шимоли кишвар 33 ҳодисаи куштор сабт шудааст.