Қазоқистон — харидори асосии меваю сабзавоти кишвар

Душанбе, 27.01.2015. (АМИТ «Ховар», Мавҷуда Анварӣ). -Соли гузашта Тоҷикистон ба хориҷи мамлакат қариб 180 ҳазор тонна сабзавоту мева ва маҳсулоти полезӣ содир намудааст. 
Тибқи маълумоти Агентии омори кишвар,  аз ҳаҷми умумии содироти маҳсулоти кишоварзӣ 77%-аш ба Ҷумҳурии Қазоқистон рост меояд. Харидорони дигари маҳсулоти кишоварзии Тоҷикистон (асосан хушкмева ва пиёзи бехӣ) Покистон, Туркманистон, Ироқ, Афғонистон, Туркия, Беларус, Украина, Чин, Эрон, Қирғизистон, Ӯзбекистон, Олмон, Латвия, Аморатҳои Муттаҳидаи Араб ва кишварҳои дигар мебошанд.