12 довари тоҷик дар рӯйхати доварони ФИФА-2015
Душанбе, 05.01.2015. (АМИТ “Ховар”, Ситораи Боймурод).-Федератсияи байналмилалии футбол рӯйхати доварони ФИФА-ро барои соли 2015, ки ба он доварони тоҷик низ дохиланд, эълон кард.
Тавре ки дар ин бора сомонаи Федератсияи футболи кишвар хабар додааст, ба ин рӯйхат аз Тоҷикистон 12 нафар шомил аст: 4 довари ФИФА, 6 ёвари довари ФИФА ва 2 довари ФИФА оид ба футзал. Ба рӯйхати сардоварон Аъзамҷон Бӯриев ва Парвиз Муртазоев, Хуршед Дадобоев аз Хуҷанд ва Насрулло Кабиров аз Норак дохил шудаанд.
Ёварони довари ФИФА Баҳром Саъдуллоев (Қӯрғонтеппа), Сайёдҷон Зайниддинов, Хусрави Сиддиқзод (ҳарду аз Душанбе), Ҳасан Каримов (Норак), Акмал Бӯриев (Турсунзода) ва Рустамбек Хуҷаев (Қубодиён) мебошанд. Ба рӯйхати доварони ФИФА оид ба футзал барои соли 2015 Эркинҷон Мадибоев ва Абдумалик Ғаффоров ворид шудааст.
Гуфта мешавад, ки дар рӯйхати имсола нисбат ба рӯйхати соли гузашта панҷ нафар иваз шуд. Аъзамҷон Бӯриев (довари ФИФА), Хусрави Сиддиқзод (ёвари довари ФИФА), Рустамбек Хуҷаев (ёвари довари ФИФА), Эркинҷон Мадибоев (довари ФИФА оид ба футзал) ва Абдумалик Ғаффоров (довари ФИФА оид ба футзал) дар рӯйхати доварони ФИФА мутаносибан Равшан Ишматов, Дилшод Назипов, Ҳабибулло Нарзуллоев, Комил Қурбонов ва Рустам Нуровро иваз карданд.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
