Ҳайати дастаи мунтахаби ҷавонони Тоҷикистон номбар шуд

Душанбе,  06.01.2015. (АМИТ «Ховар»).- Сармураббии  дастаи мунтахаби  Тоҷикистон  (U-21)  оид ба  футбол  Алишер  Тӯхтаев  ҳайати  футболбозонеро, ки барои  дарёфти  Ҷоми Иттиҳод —  2015  қувваозмоӣ  менамоянд, номбар  кард. Ин  мусобиқот  аз  16  то  25  январ  дар  шаҳри  Санкт — Петербург  баргузор  мешавад. 
Тавре  ки  аз Федератсияи  футболи  Тоҷикистон  хабар  доданд,  ба  ҳайати  дастаи  ҷавонон  19  нафар  футболбоз,  аз  ҷумла 2  дарвозабон,  7  муҳофизатгар,  6  ниммуҳофизатгар ва  4  ҳамлагар  шомиланд.
Ёдовар  мешавем, ки  дастаи  ҷавонони  Тоҷикистон  17  январ  дар  вохӯрии  аввали  мусобиқот  бо  дастаи  мунтахаби  Қазоқистон  вомехӯрад.  18  январ  шогирдони  Алишер  Тӯхтаев бо  дастаи  мунтахаби Ҷумҳурии Африқои  Ҷанубӣ  ва  20  январ бо  дастаи  Литва қувваозмоӣ  менамоянд.