Ҳамкориҳои Вазорати маориф ва илм бо кишварҳои ИДМ

Душанбе, 24.01.2015. (АМИТ “Ховар”, Ситораи Боймурод).- Тибқи иттилои Вазорати маориф ва илми кишвар, барои соли таҳсили 2014-2015 дар асоси санадҳои дуҷониба ва ҳамкориҳои кишварҳои аъзои Иттиҳоди давлатҳои Мустақил дар соҳаи маориф ва илм  аз ҷониби Вазорати маориф ва илми Федератсияи Русия барои шаҳрвандони Тоҷикистон 782 бурсия (аз ҷумла 90 ҷой барои филиалҳои донишгоҳҳои Федератсияи Русия дар Ҷумҳурии Тоҷикистон ва донишгоҳҳои аъзои Созмони ҳамкории Шанхай ва донишгоҳҳои шабакавии Иттиҳоди давлатҳои Мустақил), аз ҷониби Ҷумҳурии Мардумии Чин  277 бурсия (забономўзӣ — 203 нафар,  бакалавр- 49 нафар, магистр — 25 нафар), аз ҷониби Вазорати улум, таҳқиқот ва фановарии Ҷумҳурии Исломии Эрон 250 бурсия, аз ҷониби Вазорати маорифи Ҷумҳурии Қазоқистон 100 бурсия, Ҷумҳурии Қирғизистон 50 бурсия, аз ҷониби Вазорати маориф ва илм, ҷавонон ва варзиши Украина 20 бурсия, аз ҷониби Ҷумҳурии Беларус 108 бурсия, Туркманистон 10 бурсия ва Малазия 40 бурсия  ҷудо гардид.