Ҳамоиши таҳлилгарон

Душанбе,  22.01.2015. (АМИТ «Ховар»,  Муқаддас  Темурзода).- 21  январ  дар Агентии  назорати  маводи  нашъаовари  назди  Президенти  ҶТ ҳамоиши  намояндагони ниҳодҳои  иттилоотию  таҳлилии  мақомоти  ҳифзи  ҳуқуқ  ва  сохторҳои  қудратии  ҷумҳурӣ  баргузор  гардид. 
Назар  ба  иттилои Агентии  назорати  маводи  нашъаовари  ҶТ, ин  чорабинӣ  дар ҳошияи   лоиҳаи Раёсати  СММ  оид ба   маводи  мухаддир  ва  ҷинояткорӣ роҳандозӣ  шуда,  дар  он  масоили  ҷамъоварӣ, таҳлили  муфассал,  табодули  иттилоот  байни  мақомоти  ҳифзи  ҳуқуқ  ва  сохторҳои  қудратӣ,  таълими  кормандон ва таъмини  онҳо  бо  техникаи  компютерӣ  барои  вусъат бахшидани  муборизаи  зидди  паҳншавии  маводи  мухаддир   мавриди  муҳокима  қарор  гирифтанд.