Ҷамъбасти рушди иқтисодиёти Тоҷикистон

Душанбе,  13.01.2015. (АМИТ «Ховар»,  Поркизаи  Шодмон).- 12  январ   дар Вазорати   рушди  иқтисод  ва  савдои  ҶТ ҷаласа  аз  рӯи  ҷамъбасти  фаъолияти  вазорат  тайи  соли  2014  баргузор гардида,  дар  он  вазифаҳо барои нимаи  аввали  соли  ҷорӣ  муайян  карда  шуданд.
Тавре  ки аз вазорати  мазкур ба  АМИТ «Ховар»  хабар  доданд, вазири   рушди  иқтисод  ва  савдои  кишвар  Шариф  Раҳимзода  ва  муовини  аввали  вазир  Неъматулло  Ҳикматуллозода ба  ҳозирон  дар  бораи ҷамъбасти  фаъолияти  вазорат  тайи  соли 2014  гузориш  доданд. 
Дар  ҷаласа ҳамчунин  роҳбарони сохторҳои  зертобеи  вазорат ва    минтақаҳои  озоди  иқтисодии «Суғд», «Панҷ», «Данғара» ва «Ишкошим» ҳисобот  доданд.
Дар  анҷоми ҷаласа аз рӯи  ҳамаи  масоили баррасишуда  қарорҳои  дахлдор  қабул  шуданд.