Ҷоми олии футзали Тоҷикистон-2014

Душанбе, 2.01.2015. (АМИТ “Ховар”, Ситораи Боймурод).- Дастаи «Бонки миллӣ»-и Душанбе, ки дар бозии ниҳоӣ бар дастаи «Динамо”-и Душанбе пирӯз шуд, барандаи Ҷоми олии футзали Тоҷикистон-2014 гардид. 
Бозии ниҳоӣ миёни «Бонки миллӣ”, қаҳрамони феълии силсилаи «А” ва «Динамо”, барандаи Ҷоми миллӣ дар шаҳри Душанбе дар Маҷмааи варзишии Кумитаи андози Тоҷикистон баргузор гардид. 
Дар бозӣ Шерзод Ҷумъаев, ҳамлагари «Бонки миллӣ, ки ба дарвозаи «Динамо” чаҳор гол зад, беҳтарин бозингари ин қувваозмоии ҳалкунанда дониста шуд.
Дар маросими ҷоизасупорӣ, ки баъди анҷоми бозии ниҳоӣ баргузор шуд, Комрон Шодиев, раиси Кумитаи футзали Федератсияи футболи Тоҷикистон Ҷоми олиро ба Ҷамшед Саломов, капитани дастаи «Бонки миллӣ” супурд.