265 ҷинояткорӣ дар бахши истифодаи замин

Душанбе,  27.01.2015. (АМИТ «Ховар»,  Марҳабои  Азамат).- «Соли  2014 Агентии  назорати  давлатии  молиявӣ ва  мубориза бо  коррупсияи  Ҷумҳурии  Тоҷикистон дар  ҷараёни  санҷишу тафтишоти  пешакӣ 265  ҷинояткории  дорои  хусусияти  коррупсионӣ  дар  бахши  истифодаи  замин, хариду  фурӯши  ғайриқонунии  он, истифодаи  ғайриқонунии   замин  ва ғайраро  фош  намуд», —  гуфт  директори агентии  мазкур  Абдуфаттоҳи  Ғоиб  дар  нишасти матбуотӣ, ки  26  январ дар  шаҳри  Душанбе  баргузор  шуд. 
Ба  гуфтаи Абдуфаттоҳи  Ғоиб,  аз ҷумлаи шумораи  умумии  ҷинояткориҳои марбут  ба  тақсими  замин  91 ҷиноят дар  вилояти  Хатлон,  66  ҷиноят дар  вилояти  Суғд, 26  ҷиноят  дар  шаҳри  Душанбе  ва  3 ҷиноят  дар  ноҳияҳои тобеи  ҷумҳурӣ  ошкор  гардид.
«Дар  қиёс бо  ин соли 2013 дар  вилояти  Хатлон 450 ҷинояткорӣ, дар  вилояти  Суғд  26  ва  дар  шаҳри  Душанбе  20  ҳодисаҳои  ҷинояткорӣ  ошкор  шуданд. Мо  бо  дарназардошти ин  проблема иттилооти  муфассалро  ба Ҳукумати Ҷумҳурии  Тоҷикистон  ирсол  медорем», — гуфт  Абдуфаттоҳи  Ғоиб.