Афзоиши маҳсулоти саноатӣ ба 105 дарсад расид

Душанбе, 22.01.2014 (АМИТ «Ховар», Фарзонаи Давлат).- Дар 11 моҳи соли 2014 ҳаҷми истеҳсоли  маҳсулоти саноатӣ дар ҷумҳурӣ 9 млрд 241 млн сомониро ташкил додааст, ки  суръати афзоиш дар ин давра ба 105 дарсад баробар гаштааст.
Тавре ки дар нишасти хабарии Вазорати саноат ва технологияҳои нав таъкид гардид, рушди саноат ғайр аз ноҳияҳои тобеъ дар дигар минтақаҳои ҷумҳурӣ таъмин гардида, афзоиши ҳаҷми истеҳсоли маҳсулоти саноатӣ дар ВМКБ 106,4 дарсад, вилояти Суғд 129,6, вилояти Хатлон 115,6 ва шаҳри Душанбе 121,2 дарсадиро ташкил доданд.
Гуфта шуд, аз рӯи нишондиҳандаҳо дар 11 моҳи соли 2014 афзоиши ҳаҷми истеҳсоли маҳсулот дар соҳаҳои таъмин гардида, дар соҳаи саноати ангишт 153,3 дарсад, саноати маъдани куҳӣ 112,3 дарсад, саноати масолеҳи сохтмон 2,2 дарсад, саноати сабук, 120,4 дарсад, саноати мошинсозӣ беш аз 100 дарсад, саноати табъу нашр 131,3 дарсад ва электроэнергетика 107,4 дарсадро ташкил дод.