АИТ: 50 чорабиниҳои илмии байналмилалӣ дар як сол

Душанбе, 07.01.2015 (АМИТ «Ховар», Фарзонаи Давлат).-Дар соли 2014 аз тарафи муассисаҳои Академияи илмҳои Тоҷикистон беш аз 50 чорабинии илмии байналмилалӣ гузаронида шуд, ки олимону мутахассисони соҳаро сари як миз ҷамъ овард,- гуфт Фарҳод Раҳимӣ, президенти Академияи илмҳои Тоҷикистон зимни ҳисоботи солонаи АИТ ба хабарнигорон, ки имрӯз дар Маркази ҷумҳуриявии «Иттилоот ва муошират» доир гардид.
Бино ба иттилои мавсуф, аз ин чорабиниҳо 2-тоаш симпозиуми байналмилалӣ,  8-то конфронси байналмилалӣ, 2-то семинари байналмилалӣ буда, 39-тои дигар  конфронсу семинарҳои дохилиҷумҳуриявӣ буданд.
Ҳамчунин дар ин давра якчанд курси омӯзишии ҷумҳуриявию минтақавӣ гузаронида шудааст,-афзуд Ф. Раҳимӣ, президенти АИТ дар нишаст.