Бақияи умумии қарзҳо дар соли 2014

 
Душанбе,  21.01.2015. (АМИТ «Ховар»,  Кристина Эрлих ).-  «Бақияи  умумии  қарзҳо то  моҳи  декабри  соли  2014 — ум  10,2  миллиард сомониро ташкил дод, ки  нисбат ба  соли 2013  баробари 35,7 фоиз  зиёд  аст», — гуфт  раиси Бонки  миллии  Тоҷикистон Абдуҷаббор  Ширинов дар  нишасти  матбуотӣ, ки  20  январ  баргузор  гардид.
Мувофиқи маълумоти фаврӣ, ҳаҷми  умумии қарз дар  ҳамин  давра баробари 12,0 миллиард  сомонӣ  буд, ки  нисбат ба  соли  2013  баробари  35,8 фоиз  зиёд  аст. Дар  давраи  ҳисобот  ҳаҷми қарзҳои  пардохтшуда  9,8  миллиард  сомониро ташкил  дода,  коэффитсиенти бозгардонии  онҳо баробари 81,3  фоизи  қарзҳои  дар  ин  давра  додашуда  буд, ки  нисбат ба  соли 2013 баробари  5,2  банди фоизӣ  зиёд  аст. 
Ҳаҷми қарзҳои  хурд  6,2  миллиард  сомониро ташкил дод, ки   нисбат  ба  соли  2013  баробари  29,7  фоиз  зиёд  аст. Аз ҷумла,  ба  минтақаҳои   дурдасти  кӯҳсори  кишвар  ба  маблағи  1 миллиарду  144  миллиону  200 ҳазор  сомонӣ қарзҳои  хурд  дода шуданд, ки   нисбат ба  соли 2013 баробари  27,3  фоиз  зиёд  мебошад.