Беш аз 700 гектар ҷангалзори кӯҳна барқарор шуд

Душанбе, 20.01.2014. (АМИТ “Ховар”, Ситораи Боймурод).- Соли 2014 аз ҷониби кормандогни Агентии хоҷагии ҷангали назди Ҳукумати Ҷумҳурии Тоҷикистон ва ташкилоту  муассисаҳои низоми он дар шоҳроҳҳои Душанбе- Ваҳдат- Кӯлоб, Душанбе- Хуҷанд, Душанбе- Қурғонтеппа ба миқдори 14,7 ҳазор бех ниҳоли сояафкану ороишӣ шинонда шуд ва ин чорабинӣ дар соли ҷорӣ идома дода мешавад, — гуфт Азизулло Исматзода, директори Агентии хоҷагии ҷангали назди Ҳукумати ҶТ имрӯз, 20-уми январ зимни нишасти матбуотӣ.
Гуфта мешавад, ки яке аз вазифаҳои афзалиятноки кормандони агентӣ ва ташкилоту муассисаҳои зертобеи он бунёд ва барқароркунии ҷангалҳо мансуб меёбад. Тибқи маълумоти МД хоҷагиҳои ҷангал ва КВД хоҷагиҳои ниҳолпарварии вилоятҳо ва шаҳру ноҳияҳо то 1-уми январи соли 2015 дар ташкилоту муассисаҳои низоми агентӣ ба миқдори 1233 гектар ҷангалзори нав бунёд гардида, ба миқдори 752 гектар ҷангалзори кӯҳна барқарор шуда, дар майдони 11808 гектар корҳои нигоҳубини ҷангалзор гузаронда шудаанд.