Бохти дастаи мунтахаби Тоҷикистон

Душанбе,  19.01.2015. (АМИТ «Ховар»).- Дастаи  мунтахаби  ҷавонони  Тоҷикистон  дар  вохӯрии   даври  дуюми  марҳалаи  гурӯҳии Ҷоми Иттиҳод — 2015, ки  дар  шаҳри  Санкт — Петербург  идома дорад,  бозиро  бо  ҳисоби  1:3  ба дастаи   Африқои  Ҷанубӣ  бохт.
Дар  вохӯрии  дигари  гурӯҳи  «С»  дастаи  мунтахаби  Қазоқистон, ки  дар   даври  якум  бозиро  ба  дастаи  ҷавонони  Тоҷикистон  бохта буд, бо  ҳисоби  1:0  бар  дастаи  Литва ғолиб  омад.
Дастаи  мунтахаби  ҷавонони Ҷумҳурии  Африқои  Ҷанубӣ   аз рӯи  натиҷаи  ду  давр бо  4  хол пешсафи ҷадвали  мусобиқа  аст. Дастаҳои  мунтахаби  Тоҷикистону  Қазоқистон  се  холӣ  дошта,  дастаи  Литва 1  хол ба даст овардааст.
Дастаи  мунтахаби  ҷавонони  кишвар  дар  даври  хотимавии  марҳалаи  гурӯҳӣ рӯзи  сешанбеи  20  январ  бо  дастаи  Литва  вомехӯрад.