Бойгардонии китобхонаҳо бо китоб

Душанбе, 24.01.2015. (АМИТ “Ховар”, Рафоати Абдулҳамид).- Ба иттилои Вазорати фарҳанги ҶТ дар соли сипаригардида Фестивал-озмуни ҷумҳуриявии телевизионии эҷодиёти халқ “Андалеб — 2014” фазои фарҳангии кишварро дар ҳамаи минтақаҳо хеле рангин гардонда, дар зинаи ҷамъбастиаш дар пойтахти кишвар дастаҳои ҳунарии ноҳияҳои Сино, Ҳисор ва шаҳри Ваҳдат сазовори ҷои якум, Тоҷикобод, Зафаробод ва Фархор ҷои дуюм шаҳрҳои Хуҷанд, Кӯлоб ва ноҳияи Шуғнон соҳиби ҷои сеюм гаштанд.
Тавассути сафари “Корвони — китоб” фонди китобхонаҳои шаҳру ноҳияҳои ҷумҳурӣ бо 45 243 нусха китоб ба маблағи 181206 сомонӣ мукаммал гардонида шуд.
Ҳамзамон даври ҷамъбастии фестивали минтақавии ансамблҳои тарона ва рақс таҳти унвони “Мо насли хушбахти замонем” баргузор гардида, барномаҳои беҳтарини ансамблҳои тарона ва рақс аз шаҳру ноҳияҳои Турсунзода, Шаҳринав, Ҷиргатол, Тоҷикобод, Роғун, Дарвоз, Мастчоҳ ва Ёвон дар пойтахти кишвар намоиш дода шуданд.