Бунёди боғу токзори нав дар майдони зиёда аз 20 ҳазор гектар

   Душанбе, 17.01.2015. (АМИТ “Ховар”, Рафоати Абдулҳамид).- Дар соли 2014  Кумитаи давлатии идораи замин ва геодезӣ  дар таҳияи «Барномаи давлатии рушди соҳаи боғу токпарварии Ҷумҳурии Тоҷикистон барои салҳои 2015- 2020» иштирок намуда, тибқи протоколи ҷаласаи кории Вазорати кишоварзии Ҷумҳурии Тоҷикистон майдони бунёди боғу токзори навро дар солҳои 2015 — 2020 муайян намуда, барои баррасӣ ва тайёр намудани лоиҳаи қарори Ҳукумати Ҷумҳурии Тоҷикистон пешниҳод намуданд. 
Дар ин давра дар майдони 20 216 гектар бунёди боғу токзори нав, аз ҷумла 11 622 гектар дар заминҳои обӣ ва 8 594 гектар дар заминҳои лалмӣ ва чарогоҳҳо ба нақша гирифта шудааст.