Бунёди чойхонаи миллӣ дар Хуҷанд

Январь 19, 2015 15:22

Хуҷанд, 19.01.2015. (АМИТ “Ховар”, Абдуаҳад Шарифзода).-То ҷашни Наврӯз-2015 дар шаҳри Хуҷанд чойхонаи миллӣ бунёд хоҳад шуд. Он дар шафати Қасри ҷавонони ба номи Лоиқ Шералӣ, воқеъ дар маркази шаҳр бо тарҳу усули замонавӣ  сохта мешавад.
Тавре ки ба хабарнигори АМИТ “Ховар” шаҳрдори Хуҷанд Раҷаббой Аҳмадзода иттилоъ дод, ифтитоҳи чойхонаи мазкур дар остонаи Наврӯзи байналмилалӣ ба нақша гирифта шуда, он бо ташаббуси мақомоти маҳаллӣ бо дастгирӣ ва иштироки фаъоли соҳибкорони маҳаллӣ бунёд хоҳад гардид.
Мувофиқ ба маълумоти раиси шаҳри Хуҷанд, тибқи нақша тамоми корҳои ободониву навсозӣ ва гулзоркунии мавзеи мазкур ва инчунин бунёди чойхонаи миллӣ бояд то 10 март ба анҷом расонда шуда, ҳамзамон барои ороиши доимии атрофи ин мавзеъ зиёда аз 200 намуд гулҳои ороишӣ шинонда шуда, инчунин як мағозаи махсуси фурӯши гулу растаниҳои орошӣ низ сохта мешавад, ки он чун маркази маслиҳатдиҳӣ барои гулпарварон хизмат хоҳад кард.
Раҷаббой Аҳмадзода илова намуд, ки мутобиқ ба нақшаи таҳиянамудаи мақомоти иҷроияи ҳокимияти давлатии шаҳр  то таҷлили ҷашни Наврӯзи ҷаҳонии соли 2015  дар ҳудуди шаҳри Хуҷанд тамоми  чойхонаҳои мавҷуда таъмиру навсозӣ шуда, дар ин раванд дар 4 маҳаллаи шаҳр низ чойхонаҳои нав мавриди баҳрабардорӣ қарор хоҳанд гирифт. 
 
 
 

Январь 19, 2015 15:22

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд