Чорабиниҳои фарҳангӣ миёни сарбозону афсарон
Душанбе, 26.01.2015 (АМИТ «Ховар», Лайло Тоирӣ).-Дар ҳафтаи гузашта дар Полки комендантии Вазорати мудофиа бо иштироки масъулини Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва афсарону сарбозони полки мазкур ҷамъомад доир гардид.
Зимни дидорбинии навбатӣ масъулини кумита ба ҳайати ин қисми ҳарбӣ беш аз 400 нусха китоби бадеиву илмӣ тақдим намуданд ва пас аз суханрониҳои масъулони вохӯрӣ барномаи фарҳангиву фароғатии сарбозон дар ин қисми низомӣ оғоз гардида, он ҷавонаскарон, ки дар айни ҳол дар ҳайати ротаи посбони фахрӣ, оркестри ҳарбӣ- нафасӣ ва баталйони алоқаи Полки комендантӣ хизмати ҳатмии ҳарбиро ба ҷо меоранд, бо пешниҳоди саҳнаҳои ҳаҷвии пурмазмун ва суруду оҳангҳои ватандӯстона ҳунару истеъдоди хешро нишон доданд.
Бино ба иттилои хадамоти матбуоти Вазорати мудофиаи ҶТ, ташкили чунин чорабиниҳои фарҳангӣ дар байни сарбозону афсарони қисму воҳидҳои ҳарбӣ аз ҳар ҷиҳат манфиатбахш буда, дар баланд бардоштани рӯҳияи хизматии эшон нақши муҳим дорад.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
