Дар ДСРТ донишҷӯёни 10 кишвари хориҷӣ таҳсил мекунанд

Январь 15, 2015 11:50

Душанбе,  15.01.2015. (АМИТ «Ховар», Фарзонаи  Достонзода).- «Дар  соли таҳсили 2014 — 2015 — ум 90  нафар  донишҷӯёни  Донишгоҳи  славянии  Русия  ва  Тоҷикистон  барои таҳсил  ба донишкадаҳои олии  Русия, Чин, Қазоқистон,  Қирғизистон  фиристода  шуда буданд», —  гуфт   ноиби ректор  оид ба  равобити  байналмилалии ДСРТ  Умед  Мансуров дар  нишасти матбуотӣ. 
Ба  гуфтаи  Умед  Мансуров,  донишгоҳ  барномаи таҳсили  академиро  дар  ҳошияи  лоиҳаҳои Донишгоҳи  шабакавии  ИДМ, Донишгоҳи  СҲШ дар  асоси  дуҷониба бо донишкадаҳои олии мушорикон,  ҳамчунин  аз  рӯи  Барномаи рушди ДСРТ дар  амал  татбиқ  менамояд.
Алҳол  дар  Донишгоҳи  славянии  Русия  ва  Тоҷикистон 117 нафар  донишҷӯёни 10  кишвари  хориҷӣ таҳсил  менамоянд.
Ҳамчунин  барои  густариши  рақобатпазирии  донишкадаи  олӣ 9  нафар  омӯзгорони  хориҷӣ  аз  Чин,  Олмон  ва  Федератсияи  Русия  ба ҷараёни таълим ҷалб  шудаанд. Дар соли нави  таҳсил  25 донишҷӯи  хориҷӣ,  аз  ҷумла  16  бакалавр ва 9 магистрант ба  донишкада дохил  шудаанд.
Ёдовар  мешавем, ки ДСРТ  соли  2014  ба ҳайати Лигаи донишгоҳҳои  СААД  ва Донишкадаи байналмилалии  давлатҳои  узви  ИДМ  аз  рӯи бахшҳои  таҳсилоти ҳастаӣ ворид  гардид. 
Имрӯз ин муассисаи  таҳсилотӣ  бо  61 донишгоҳҳои хориҷӣ  равобити ҳамкорӣ  дорад. 

Январь 15, 2015 11:50

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд