Дарвозабони дастаи мунтахаби Қирғизистон дар клуби «Хуҷанд»

Душанбе,  08.01.2015. (АМИТ «Ховар»).- Дарвозабони  дастаи  мунтахаби  миллии Қирғизистон Валерий  Кашуба  имкон  дорад, ки  маҳорати  варзишиашро  дар  клуби  футболи «Хуҷанд»  нишон  диҳад. 
Назар  ба  иттилои  Федератсияи  футболи  Тоҷикистон Валерий  Кашуба, ки   мавсими  соли  гузашта  дар  дастаи «Олой» — и  шаҳри  Ӯш  бозӣ  мекард,  дар мусобиқоти  байналмилалӣ   барои  дарёфти  Ҷоми  Ҷамъияти  пӯшидаи  саҳҳомии  «Осоишгоҳи  Баҳористон», ки  аз  13  то  25  январ  дар  шаҳри  Қайроққум  баргузор  мегардад, шарафи  клуби  «Хуҷанд» —  ро муҳофизат  менамояд.
Сармураббии  клуби  футболи  «Хуҷанд»  Нӯъмонҷон  Юсуфов  дар  сомонаи  расмии Федератсияи  футболи  Тоҷикистон   аз  ин  хусус  хабар  дод. Ба  гуфтаи  Нӯъмонҷон  Юсуфов,  дар  сурати   маҳорати  касбиашро  ба дараҷаи  баланд  нишон  додани  ин  дарвозабон  қарордод  дар  бораи  фаъолияти  номбурда  имзо  хоҳад  шуд.
Ёдовар  мешавем, ки  Валерий  Кашуба  аз  ин  пеш  дар  дастаҳои  футболи «Дордой» СКА — ПВО,  «Абдишота», «Олға» ва «Олой» -и  Қирғизистон  қувваозмоӣ  менамуд.