Дастаи мунтахаби ҷавонон ноком шуд

Душанбе,  22.01.2015. (АМИТ «Ховар»).- Дастаи  мунтахаби ҷавонони  Тоҷикистон  оид ба  футбол ба бозиҳои  нимниҳоӣ  барои дарёфти  Ҷоми Иттиҳод — 2015, ки  дар  шаҳри  Санкт — Петербург  идома дорад,  роҳхат  пайдо  накард. 
Тавре  ки  аз Федератсияи  футболи  Тоҷикистон  хабар  доданд, шогирдони Алишер  Тӯхтаев  дар  вохӯрии  чорякниҳоӣ  бозиро  бо  ҳисоби  0:2 ба дастаи  Туркманистон бохтанд. Акнун футболбозони тоҷик барои  ишғол  намудани  ҷойҳои аз  5 то 8 — ум  23  январ  бо  дастаи  Қирғизистон  ва 25  январ  бо ғолиб ё  мағлуби вохӯрии  дастаҳои  Русия  ва  Қазоқистон  қувваозмоӣ  менамоянд.