Дастгирии соҳибкорон дар Хатлон
Қўрғонтеппа, 06.01.2015 (АМИТ «Ховар», Муроди Мурод).- Дар шаҳри Қўрғонтеппа ҷаласаҳои гурўҳи кории Шўрои машваратии назди раиси вилояти Хатлон оид ба беҳтар намудани фазои соҳибкорӣ ва сармоягузорӣ оид ба масъалаҳои дастрасӣ ба манбаҳои молиявӣ барои соҳибкории истеҳсолӣ баргузор гардид. Дар ҷаласаҳо аъзои гурўҳи корӣ, намояндагон аз бахши давлатӣ, хусусӣ, ташкилотҳои байналмиллалӣ ва ҷамъиятӣ иштирок карданд.
Чаласаи гурўҳи корӣ масъалаҳои дастрасӣ ба манбаҳои молиявӣ барои соҳибкории истеҳсолӣ ва омода намудани пешниҳодот вобаста ба ҳалли мушкилот дар дастрасӣ ба манбаҳои молиявӣ барои соҳибкории истеҳсолиро дар вилояти Хатлон баррасӣ намуд.
Гурўҳи кории мазкур тибқи қарори протоколии ҷаласаи 13 Шўрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ вобаста ба дастгирии истеҳсолкунандагони маҳсулоти миллӣ ва дархосту муроҷиати иттиҳодияҳои соҳибкорони вилояти Хатлон ташкил шудааст. Мақсади гурўҳи корӣ гузаронидани чорабиниҳои омӯзишиву таҳлилӣ вобаста ба “Дастрасӣ ба манбаъҳои молиявӣ барои соҳибкории истеҳсолӣ” буда, дар назар дошта шудааст, ки дар ҳамкорӣ бо мақомоти дахлдор ва дастгирии шарикони рушд мушкилоти соҳа омӯхта шуда, пешниҳодоти гурўҳҳои корӣ оид ба бартараф намудани мушкилот дар ҷаласаи навбатии Шўрои машваратӣ мавриди баррасӣ ва қабули тавсияҳо ба сохторҳои дахлдор қарор мегирад.
Зикр гардид, ки ташаббуси мазкур аз ҷониби аъзои Шўрои машваратӣ, намояндаи ташкилотҳои байналмилалӣ — лоиҳаи “Мусоидат ба савдои”-и Барномаи Рушди Созмони Миллали Муттаҳид (БРСММ) дастгирӣ ёфтааст.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






