ДДТТ: Нақши ҷавонон дар пешбурди корҳои илмӣ

Душанбе, 12.01.2015. (АМИТ “Ховар”,  Рафоати Адбулҳамид).- Ба иттилои Донишгоҳи давлатии тиббии Тоҷикистон, ҳамасола  шумораи  таълифоти илмии олимон  аз хориҷи  кишвар  афзуда,  дар давоми  се соли охир  дар маҷмаи   маводи  конфронси  донишгоҳ 120 фишурда  аз  муассисаҳои  олии Федератсияи Русия, Ҷумҳуриҳои Украина,  Беларус, Қазоқистон , Қирғизистон, Ўзбекистон  ба нашр  расонида  шудааст.
Солҳои охир  нақши  ҷавонон  дар пешбурди  корҳои илмӣ  дар донишгоҳ ва берун аз он беш аз пеш  вусъати  тоза пайдо  мекунад. Инчунин,  масъалаҳои  мубрам дар соҳаи  тиб диққати олимони  ҷавону   донишҷўёни  донишгоҳро  аз  ҳарвақта  дида бештар  ба  худ ҷалб  менамояд.  Шумораи  маърўзаҳои  илмии  ба конфронс пешниҳод гардида 499 фишурдаро  ташкил дод.