Ду нафар судя аз озодӣ маҳрум гардид

Душанбе, 05.01.2015. (АМИТ «Ховар», Муқаддас Темурзода).- «Дар соли сипаригардида аз ҷониби судҳои ҷумҳурӣ 795 ҷинояти корррупсионӣ ба қайд гирифта шуда, ду ҷинояти он аз ҷониби ду судя содир гадидааст»,- изҳори нигаронӣ намуд раиси Шӯрои адлия Азиззода Зафар зимни нишасти матбуотӣ дар ҷавоб ба саволи хабарнигори АМИТ «Ховар».    
Азиззода З. ҳамчунин зикр намуд, ки дар ин давра ҳамчунин бо Фармони Президенти Ҷумҳурии Тоҷикистон 2 нафар судя бо хоҳиши худ, 3 нафар бинобар вафот, 2 нафар бинобар нисбаташон баровардани ҳукми айбдоркунӣ, 1 нафар бо сабаби содир кардани рафторе, ки ба қадру  номуси судя доғ мерасонад, аз вазифа озод шуда, бинобар ба итмом расидани муҳлати ваколат 3 нафар аз нав ба мансаби судягӣ таъйин ва 3 нафар аз як суд ба суди дигар гузаронида, 1 нафар аз нав ба вазифаи судя таъйин шуд.